SUICERI

SUICERI

seu Swizzeri, Volaterrano et Hugoni Grotio, Suicenses Ioh. Vitodurane: Suitones Aventin.

Annal. Boi. l. 4. Germanis Schvveitzer, vel Eydgnossen, Italis gli Suizzeri, vel Suizzari, Gall. les Suisses, Helvetii hodierni dicuntur. Originem nomenque habent vel a Viris, quos e Saxonia a Carolo M. pulsos in Helvetia Alpina quidam consedisse olim volunt: circa A. C. 806. ut narrat Nauclerus Vel potius a Suecis seu Stedis, Gothorum gente, ut Guillimanno placet, quorum crebri per Alpes transitus suasêre partem ibi praesidio telinquere. Hinc Garissolius. l. 10. Adolphidos de Helvetiis:

Arctoô gens orta satu; generosaque sactis

Aequans arma patrum, geminô Suecosque Gothosque

Sanguinis attingit titulô. Nam vulnere postquam

Deiectus Teias vitalibus exiit auris,

Eousque solo regnavit in Ausone Narses,

Italiam liquisse Getas, montesque propinquos

Insedisse ferunt: Nec pristinus obstitit armis

Incola, sed facilis Latiô iam rure remotos

Excepit, regnique favens in parte locavit.

Complexus populare genus. Constantia Famae

Nempe refert, patrio digressos Sueonas orbe

Auspiciis Gotherice tuis, faustôque Gradivô

His sedem statuisse locis, perque oppida leges

Sancivisse suas, et longos regna per annos

Firmavisse manu, sic utraque finibus istis

Crevit et aeternô se foedere nexuit Arctos,

Helvetiosque dedit mundo, nec degener ortum

Dedecorat populus, sed nomine dignus avorum est.

Et Cl. Hottingerus Meth. leg. Histor. Helv. p. 201. utriusque non solum gentis, sed et quorundam Dialecti idiotismorum magnam observavit affinitatem. Sunt nihilominus, qui Suiceros, Suitenses seu Helvetios, id nominis accepisse volunt a pago Suitensi: inter quos Osvaldus Molitor; in Paneg. Glareani: Suicia, inquit, sequitur, unde omnibus Confaederatis nomen. Et Conringius de Imper. Romano Germ. Achaeorum Resp. omnibus Foederatis nomen dedit: urbs Romana omnibus sociis, hodie Foederati omnes Helvetti, ab uno pago Suitceri, etc. Rationes in promptu; Namque et initium confoederationis factum est in oppido Suitensi, et huius incolae diutissime cum Abbare Eremitano pugnârunt, et primi omnium Austriorum irruptioni ex positi fuerunt, maiorque illorum reliquis primis pagis fuit potentia, et in hac primo regione pro libertate pugnatum est: Unde postea, verba sunt Guillimanni rer. Helv. l. 2. c. 15. Suitiorum nomine et famâ Helvetil omnes in celebritatem abierunt, Suitzerique gens universa appellati sunt. Plura vide in vocibus Helvetii et Suitium.